載入中...請稍候...
關注我們!


推廣資訊



便利店買避孕套 78歲劉詩昆仍然有癮

 

便利店買避孕套 78歲劉詩昆仍然有癮

i-640x890-074188409.jpg

劉詩昆係國寶級音樂大師,19歲已蜚聲音樂界,雖然已屆78歲高齡,但劉大師未有打算退休,仲經常同細自己37年的女友,有「鋼琴公主」與「琵琶公主」之稱的孫穎(Samantha)合作搞演奏會,以及在中港兩地開辦幼兒園,最重要係大師講過覺得自己像年輕人一樣精力充沛,甚至「幹勁兒十足」。大師無吹水,日前晚上8時,劉大師一支公由銅鑼灣行去灣仔,沿途喺便利店買咗一盒「更薄型」避孕套,然後再見佢喺掛有閃令令招牌嘅24小時樓上按摩院下,駐足望實服務項目價錢牌再思考咗十幾分鐘就行返銅鑼灣會合女友。

劉詩昆曾在訪問中表示,「只要我身體好,就還能做很多事。而以現在的情況看,幹到80多歲也沒問題。如果身體健康狀況允許,我會一直彈奏下去。」而為培育音樂人才,內地已有40多個城市開辦了200多個「劉詩昆鋼琴藝術中心」,另外還建立了10間「劉詩昆音樂藝術幼兒園」,Follow大師嘅學生近10萬人。近80歲嘅阿伯仍然咁強魄力,係威水嘅。

劉大師好想揼骨

本來劉大師同孫穎亦係多年師徒關係,14年先譜出忘年戀,兩人相差37年,但溝通完全無問題,女方更指男方係佢靈魂伴侶,更讚好男友「心態好,睇嘢有智慧,可能活到150歲。」劉詩昆即補充:「跟她一起以後,我愈來愈年輕。」劉伯伯心態的確好年輕,當晚八點見佢喺銅鑼灣四圍行,之後入咗去告士打道嘅東方棕泉桑拿,不過五分鐘後又見佢離開行去鵝頸橋方向,步速唔快唔慢,眼光Keep住望招牌。

女友在名車上等候

沿途路過便利店,劉大師入去行個圈然後就排隊,至行近收銀位置就身向前拎起價值90蚊嘅杜蕾斯「更薄型」三片裝避孕套,一畀完錢即刻收埋喺外套。老人性生活一般可持續到70歲,劉大師咁Fit,開心到80歲應該都無問題啦。買完「袋」,佢繼續行去灣仔,然後見到掛有閃令令招牌嘅24小時樓上按摩院,佢喺樓下好認真咁睇價錢,有香薰淋巴排毒,又有香薰水療,最貴都係430蚊100分鐘,劉大師畀得起有餘,但佢諗咗十幾分鐘就離開,然後行返轉頭,再登上泊喺駱克道嘅Bentley名車,細心留意番,劉大師坐司機位旁,其女友孫穎則坐後座,打消揼骨念頭,原來約咗女友。

http://hd.stheadline.com/news/daily/ent/602531/

 

便利店買避孕套 78歲劉詩昆仍然有癮

 


電視節目